बिश्वास सम्बादाता
कलैया,पुष १
पर्सा जिल्लाको बिरगन्जको महानगरपालिकाको एक सडकलाई लायन्स मार्ग नामाकरण गरि उदघाटन गरिएको छ । वीरगञ्जको नारायणी अस्पताल नजिकैको बाइपास सडक जोड्ने बाटोलाई लायन्स मार्ग नामाकरण गरिएको हो ।
वीरगञ्ज महानगरपालिकाका प्रमुख राजेशमान सिंहको प्रतिबद्धताअनुरुप आज एक कार्यक्रमका बीच औपचारिक रुपमा लायन्स मार्ग नामाकरण गरिएको हो ।
लायन्स क्लब अफ वीरगजको स्वर्ण जयन्तीको अवसरमा लायन्स क्लब इन्टरनेशनलले लायन्स मार्ग उद्घाटन कार्यक्रमको आयोजना गरेको हो । उक्त कार्यक्रमकै अवसरमा लायन्स मार्गको उद्घाटन गर्दै वीरगञ्ज महानगरपालिकाका प्रमुख राजेशमान सिंहले लायन्स क्लबले सामाजिक क्षेत्रमा गरेका कामको मुक्त कण्ठले प्रसंशा गरेका छन । मेयर सिंहले आगामी दिनमा पनि लायन्स क्लबलाई सामाजिक कार्यलाई निरन्तरता दिन सुझाव दिएका छ्न ।
लायन्स क्लब नेपालका मल्टिपल कोर्डिनेटर डा. रमेश कुमार अग्रवालले स्वर्ण जयन्तीका अवसरमा लायन्स क्लबले समाजप्रति अझै उत्तरदायि हुन जरुरी भएको औल्याए ।
लायन्स क्लब अफ बिरगंजका अध्यक्ष पप्पु श्रीवास्तवको अध्यक्षतामा भएको कार्यक्रममा लायन्स क्लबका डिष्ट्रिक्ट गर्भनर डिएन अग्रवाल, वीरगञ्ज उद्योग वाणिज्य संघका अध्यक्ष अनिल कुमार अग्रवाल, लायन अशोक कुमार बैद्य, पुर्व गर्भनर डा. आरपी खेतान, क्याबिनेट सचिव बासु तिमिल्सिना, एरिया चिफ उमेश शर्मा लगायतकाको उपस्थिती रहेको थियो ।
