कलैया । बारा प्रहरी ले मोटरसाइकल चोरको गिरोह लाई पक्राउ गरेको छ । पक्राउ परेका सबै एउटै पालिकाको एउटै वडाका हुन ।
जिल्ला प्रहरी कार्यालय बारामा आज पत्रकार सम्मेलन गरेर ६ जना लाई सार्वजनिक गरिएको छ । प्रहरी उपरीक्षक होबिन्द्र बोगटी ले पत्रकार सम्मेलन मा बोल्दै साउन १९ गते बरियारपुरबाट दुई वटा मोटरसाइकल चोरी गरेर भाग्ने क्रममा पचरौता नगरपालिका वडा नम्बर ७ बेनौली बस्ने २१ वर्षिय विशाल कुमार सहनी र २० वर्षिय भोला पटेललाई पक्राउ गरिएको थियो ।
प्रहरी ले ऊनीहरु लाई पक्राउ गरि बयानका क्रममा मोटरसाइकल चोरीको गिरोहमा संलग्नहरुको नाम खुलेपछि प्रहरीले गिरोहमा संलग्न अन्य ४ जनालाइ पनि पक्राउ गरेको हो ।पक्राउ पर्नेहरुमा सहनी र पटेलका साथै बेनौलीकै २० वर्षिय वृजमोहन साह सोनार, २० वर्षिय विजय पटेल , २४ वर्षिय हरिनारायण पटेल र २३ वर्षिय बरक सहनी रहेका छन् । प्रहरी उपरीक्षक बोगटी का अनुसार अन्य थप गिरोह रहेको र ऊनीहरुको बारेमा जानकारी प्राप्त भई खोजी कार्य गरिरहेको बताए । उनले चाडै मोटरसाइकल चोर र चोरी भएका मोटरसाइकल पत्ता लगाउने बताए ।
पक्राउ परेका ६ जना बाट चोरी गरि लुकाएर राखिएका नेपाली र भारतीय गरि विभिन्न ब्राण्डका १२ वटा मोटरसाइकल पनि बरामद गरिएको प्रहरी उपरिक्षक बोगटीले बताए ।
