साजिर मन्सूर
कलैया,कार्तिक ६
बिजया दशमी २०८० को अवसरमा आयोजित पहिलो एकदिवसीय मैत्रीपुर्ण भेट्रान्स क्रीकेट प्रतियोगितामा कलैयालाई पराजित गर्दै बिरगंज ८ बिकेटले बिजयी भएको छ । कलैयाको सिदेस्वर खेल परिषरमा आयोजित पहिलो भेट्रान्स प्रतियोगितामा बिरगंज बिजयी भएको हो ।
नेपालमै क्रीकेटको उर्बर भुमीमा गनिएको कलैयामा खेलाडी लाई अहिले अझ प्रोत्साहन मिलोस भनेर मैत्रीपुर्ण भेट्रान्स प्रतियोगिता शुरु गरिएको बारा क्रीकेट संघका अध्यक्ष प्रभात सिंहले बताए ।
टस जितेर कलैयाले पहिले ब्याटिङ्ग गर्दै कलैयाले २० ओभर खेलेर ५ बिकेटको छतिमा १३८ रन बनाउन सफल भयो । कलैया भेट्रान्सका लागि बिकास दलिले सर्वाधिक ४५ रन बनाए । प्रनिस सरार्फ (जट्टा)ले ३६ रन बनाएर अबिजित रहे ।सुबाष जयस्वालले १३ रन,बिनोद दासले ५ रन बनाए भने सन्जोग शर्माले ८ रन बनाए । बलिङ्गमा बिरगंजका मुर्तुजा अन्सारीले ४ ओभरमा २६ रन दिएर २ बिकेट लिए । शेर महमदले ४ ओभरमा ३२ रन दिएर १ बिकेट लिए । रामनरेशले २ ओभरमा १४ रन दिएर १ बिकेट लिए ।
जवाफी ब्याटिङ्गमा ओर्लिएको बिरगंजका लागि कलामोदिन अन्सारीले १७ बलमा ११ रन बनाएर बिनोद दासको बलमा क्याच आउट भए । बिरगंजका रामनरेशले ४४ बलमा ६८ रन बनाए । सैनुल आजमले २३ बलमा ४१ रन बनाए बाबुजान हवारिले ५ बलमा २ रन बनाए ।
खेलको म्यान अफ द म्याच बिरगंजका रामनरेश घोषित भए ।
