१ असोज, बारा। बाराको कलैया उपमहानगरपालिका–११ मा विद्युत् सर्ट भई आगलागी हुँदा करिब ५ देखि ७ लाख रुपैयाँ बराबरको भौतिक तथा पशुधनको क्षति भएको छ।

स्थानीय हनुमान प्रसाद साहको घरमा बुधबार राति करिब १ बजे बिजुलीको तार सर्ट भएर अचानक आगलागी भएको जिल्ला प्रहरी कार्यालय बाराले जनाएको छ।

रातको समयमा भएको उक्त आगलागीमा परेर घरमा बाँधिएका एउटा बाछो, एउटा भैँसीको पाडो र दुईवटा बाख्रा जलेर मरेका छन्।
घटनालगत्तै स्थानीय र प्रहरीको टोलीले आगो नियन्त्रणमा लिएका थिए। प्रारम्भिक अनुसन्धानअनुसार आगलागीबाट रु. ५ देखि ७ लाख रुपैयाँ बराबरको क्षति भएको अनुमान गरिएको छ। घटनाबारे थप अनुसन्धान भइरहेको जिल्ला प्रहरी कार्यालय बाराले जनाएको छ।