३१ भदौ, बारा। बाराको जितपुरसिमरा उपमहानगरपालिका–२३ स्थित सागर आयल पेट्रोल पम्प नजिक मंगलबार राति ट्रकले मोटरसाइकललाई ठक्कर दिँदा दुई जनाको मृत्यु भएको छ।
वीरगन्ज–पथलैया सडकखण्डको सर्भिस लेनबाट एक्सप्रेस–वेमा प्रवेश गर्दै गरेको ना.३ ख ५६१० नम्बरको एलपी ग्यास बोकेको ट्रकले ना.४३ प ५१२२ नम्बरको मोटरसाइकललाई ठक्कर दिएको हो। दुर्घटनामा गम्भीर घाइते भएका वीरगन्ज महानगरपालिका–१५ नगवाका ३५ वर्षीय रविन्द्र उपाध्याय र करैयामाई गाउँपालिका–७ का ३० वर्षीय दिलीप चौधरीको उपचारका क्रममा नारायणी अस्पतालमा मृत्यु भएको प्रहरीले जनाएको छ।
प्रहरीले ट्रक र चालक भरतपुर–७ का ५८ वर्षीय सुनिलराज पाठकलाई नियन्त्रणमा लिएको छ। घटनाबारे इलाका प्रहरी कार्यालय सिमराले थप अनुसन्धान गरिरहेको छ।
प्रतिक्रिया
सम्बन्धित खवर
