कलैया । देवताल गाउँपालिका मा नव निर्मित बिधालय भवनको उद्घाटन भएको छ । गाउँपालिकाको वडा नम्बर ३ मा रहेको ईन्द्रदेव माध्यमिक बिधालयको नव निर्मित दुई तल्ले भवन को आज एक कार्यक्रम का बीच गाउँपालिका अध्यक्ष चन्दन सिंहले उद्घाटन गर्नु भएको हो ।
उक्त नवनिर्मित भवनमा चार वटा कोठा रहेको गाउँपालिकाले जनाएको छ । ईन्द्रदेव आधारभूत बिधालय रहेकोमा आजै देखि भौतिक पुर्वधार एवं अन्य बाकी काम गरि माध्यमिक बिधालय मा स्तर उन्नति गर्ने गाउँपालिकाले निर्णय गरेको अध्यक्ष सिंहले बिश्वाव एफ एम लाई जानकारी दिएका छन् ।नव निर्मित दुई तल्ले बिधालय भवन को उद्घाटन पश्चात् बोल्दै अध्यक्ष सिंहले गुणस्तरीय शिक्षा नै यो युगको आवश्यक्ता भएको भन्दै शिक्षाको विकास बिना अन्य क्षेत्रको विकासको शुन्य रहेको बताए । उनले शिक्षा दिने मुख्य स्थल बिधालय र बिधालय को भौतिक पुर्वधार नभए बिद्यार्थी लाई शिक्षा आर्जन गर्न निकै असहज बाताबरण हुने बताए । उनले अनुकुल वातावरण भए मात्रै विद्यार्थीहरुलाई अध्ययनमा मन लाग्ने हुँदा भवनसँगै अन्य भौतिक पूर्वाधारको पनि विकास गर्दै जाने प्राथमिकता रहेको अध्यक्ष सिंहले बताए ।
उक्त उद्घाटन कार्यक्रममा उपाध्यक्ष रामपती देवी , प्रमुख प्रशासकीय अधिकृत , गाउँपालिका का योजना प्रमुख अभिन्दन साह , शिक्षा शाखा प्रमुख रितिका दाहाल , वडा अध्यक्ष , वडा सचिव , बिधालय का शिक्षक एवं बिद्यार्थीहरुको उपस्थिती रहेको थियो ।
