कलैया । ८० वर्षीय बुवाको हत्या आरोपमा प्रहरीले उनका छोरा लाई पक्राउ गरेको छ । मोरङको बेलबारी नगरपालिक वडा नम्बर ९ मा ८० वर्षीय वृद्ध दलबहादुर खत्रीको हत्या गरेको आरोपमा प्रहरीले उनका ३५ वर्षीय छोरा जयबहादुर खत्रीलाई प्रहरीले पक्राउ गरेको हो ।

बुधबार राति साढे ११ बजे सामान्य विवादमा बुबाको हत्या गरेको आरोप जयबहादुरमाथि लागेको छ । बुधबार राति विवाहमा मापसे गरी फर्किएका जयबहादुरले सामान्य विवादपछि बुबाको घाँटी थिचेर हत्या गरेको आरोपमा प्रहरीले पक्राउ गरेको हो ।

घटनाको अनुसन्धानका लागि बुधबार राति नै जयबहादुरलाई पक्राउ गरेको जिल्ला प्रहरी कार्यालय मोरङका डिएसपी दीपक श्रेष्ठले बताए ।