कलैया । बारामा नक्कली नोट सहित एकजना पक्राउ परेका छन् । पक्राउ पर्नेमा कोल्हवी नगरपालिका वडा नम्बर १० आमाऔल टोल बस्ने ६२ वर्षीय हरी चौधरी रहेका छन् ।
निजगढ नगरपालिका–८ हाट बजारबाट नक्कली जस्तो देखिने १ हजार दरको ३४ थान र ५ सय दरको २३ थान गरी जम्मा ४५ हजार ५ सय रूपैयाँ सहित उनलाई पक्राउ गरिएको जिल्ला प्रहरी कार्यालय बाराका प्रब्क्ता प्रहरी नायब उपरीक्षक राजेश थापाले बताए ।
विशेष सूचनाको आधारमा ईलाका प्रहरी कार्यालय निजगढबाट खटिएको प्रहरीले चौधरीलाई प्लास्टिक को झोला लिएर बजारमा पैदल हिडिरहेको अवस्थामा जाँच गर्ने क्रममा उक्त नोट फेला पारी पक्राउ गरेको प्रब्क्ता थापाले बताए ।
यस सम्बन्धमा प्रहरीले आवश्यक अनुसन्धान गरिरहेको बताएको छ ।
