साजिर मन्सुर , कलैया । जिल्ला प्रहरी कार्यालय बारा का प्रब्क्ता समेत रहेका प्रहरी नायब उपरीक्षक गौतम मिश्र को सरुवा भए पछी आज सदरमुकाम कलैयामा विभिन्न संघसंस्थाले उनको बिदाई तथा सम्मान गरेको छ । प्रहरी नायब उपरीक्षक को सरुवा महानगरीय प्रहरी वृत बालाजु मा भएको छ ।
आज एक कार्यक्रम का बीच कलैया उपमहानगरपालिका वडा नम्बर ६ मा रहेको गोपाल सेवा समिति को सभाहलमा उनको जिल्ला का दर्जनौं संघसंस्थाले बिदाई तथा सम्मान गरेका हुन् ।बारामा करिब २ बर्ष काम गरेका प्रहरी नायब उपरीक्षक मिश्र अत्यन्तै सरल स्वभावका थिए । उनको त्यही स्वभावले बाराली जनताले सोझै मिश्र संग आ आफ्नो समस्या राख्ने गरेकोले बिदाइ तथा सम्मान कार्यक्रममा सबैले उनको प्रसंशा गरेका हुन् ।
कार्यक्रममा बोल्दै प्रहरी नायव उपरीक्षक मिश्रले व्यावसायिक प्रहरी सेवा प्रवाहनै आफ्नो पहिलो प्राथमिकता भएको बताउदै आगामी दिनमा नागरीकसंग हातेमालो गर्दै समाजका व्याप्त समस्यालाई पार लगाउन आफुलाई बारा बसाईले थप दक्ष बनाएको बताउनु भयो ।
उक्त कार्यक्रम को अध्यक्षता सामुदायिक प्रहरी सेवा केन्द्र कलैयाका अध्यक्ष महम्मद सागिरको रहेको थियो । कार्यक्रममा विशिष्ट अतिथि गोपाल सेवा समिति बाराका अध्यक्ष जंगबहादुर यादव संगै नेपाल भोजपुरी प्रतिष्ठान का अध्यक्ष राम प्रसाद साह , नेपाल लेखापढी ब्यवसायी संघ का अध्यक्ष बृज किशोर यादव , नेपाल स्काउट बारा का आयुक्त भरत साह , समाजसेवी तथा लेखापढी ब्यवसायी संघ का सल्लाहकार पन्नालाल कुश्वाहा , महिला संजाल बाराकी अध्यक्ष बबिता जयसवाल ,बिश्व हिन्दु युवा संघ बारा का अध्यक्ष सागर पटेल,मनोकामना कलेजका प्रमुख रामबाबु कुश्वाहा,ब्राईट ल्याण्ड बोर्डिङका संस्थापक रामधारी यादब,नेपाल पुर्व प्रहरी संगठनका बारा अध्यक्ष यज्ञनन्द द्विबेदी,समाजसेवी अमरदिन मन्सूर,नेपाल पत्रकार महा संघ बाराका सचिव अनिल गौरब,पतन्जली योगपिठ कलैयाका अध्यक्ष सुरेश साह,साक्षर सामुदायिक सिकाई केन्द्र कलैया का नवल किशोर चौरसिया,सहित विभिन्न संघसंस्था का अध्यक्ष तथा प्रतिनिधि को उपस्थिति रहेको थियो ।
मिश्रको स्थानमा जिल्ला प्रहरी कार्यालय बारामा प्रहरी नायब उपरीक्षक राजेश थापा आउने भएका छन् । उनी यस अगाडी प्रहरी बृत जगाती , भक्तपुर मा कार्यरत थिए । कार्यक्रमको संचालन बिश्वास एफएम कलैयाका प्रबन्ध निर्देशक साजिर मन्सूरले गरेका थिए ।
