कलैया -वीरगंजको आदर्शनगरमा भएको आगलागीमा परि दुई वटा मोटरसाइकल जलेर नष्ट भएका छन । आदर्शनगरस्थित नेपाल ईन्भेष्टमेन्ट मेघा बैंक अगाडी बिहान साढे ११ बजेतिर भएको आगलागीमा परिदुई वटा मोटरसाइकल पूर्ण रुपमा जलेर नष्ट भएका हुन् ।
आगोलाई वीरगञ्ज महानगरको दमकलसँगै नेपाल ईन्भेष्टमेन्ट मेघा बैंकको फायर एक्सटिंग्विशर र स्थानीयको सहयोगमा नियन्त्रणमा लिइएको थियो ।
बैंककै कार्यालय अगाडी सडकमा पार्किङ्ग गरिएको वीरगञ्ज महनागरपालिका वडा नम्बर ३ बस्ने संजय प्रसाद यादवको प्र.२–०३–०१८प ८२१९ नम्बरको कालो रङको १५०सिसी पल्सर मोटरसाइकल र वीरगञ्ज महानगरकै वडा नम्बर २० हरपतगंज बस्ने मिथिलेश प्रसाद यादवको प्र.२–०३–००१ प ७९०४ नम्बरको १५० सिसीको कालो रातो रंगको पल्सर मोटरसाइकल जलेर नष्ट भएको हो ।
आगो के कारणले लागेको हो भन्ने खुलीसकेको छैन ।
-प्रियंका दास -कलैया -बारा
