कलैया । तमिलनाडुमा बुधबार एक सैन्य हेलिकप्टर दुर्घटनाग्रस्त भएको छ । हेलिकोप्टरमा सुरक्षा प्रमुख (सीडीएस) बिपिन रावत, उनका कर्मचारी र केही परिवारका सदस्यहरु सवार रहेका थिए ।

तमिलनाडुको कोइम्बटूर र सुलुरको बीचमा दुर्घटनाग्रस्त भएको जनाइएको छ । हेलिकप्टरमा १४ जना सवार रहेकाे एएनआईले जनाएकाे छ । हेलिकप्टरमा सवार सबै एक कार्यक्रममा सहभागी हुन गइरहेका थिए । दुर्घटनाग्रस्त हेलिकप्टरबाट तीन जनालाई बचाइएकाे र तीमध्ये दुई जनाकाे अवस्था गम्भीर रहेकाे जनाइएकाे छ । त्यस्तै उक्त दुर्घटनामा परि चार जनाको मृत्यु हुँदा सेना प्रमुख रावतको स्थिती भने अज्ञात छ । खोजी र उद्धार कार्य सुरु गरिएको स्रोतले जनाएको छ ।