कलैया । बारामा भारी मात्रामा लागु औषध गाँजा बरामद भएको छ । सशस्त्र प्रहरीले नेपाल बाट भारत लैजादै गर्दा गाँजा बरामद गरेको हो । नेपालबाट लागु औषध गाँजा भारत तर्फ लगिरहेको बिशेष सुचनाको आधारमा बोर्डर आउट पोष्ट दक्षिण झिटकैयाबाट खटिएको सशस्त्र प्रहरीको टोलीले देवताल गाउँपालिका वडा नम्बर ७ पिपरपाती स्थित पसाहा खोला नजिकैको सिमा नाका बाट १२० केजी गाँजा बरामद गरेको हो ।

सशस्त्र प्रहरीको गस्ती टोलीलाई हेर्ना साथ लागु औषध गाँजा छोडेर तस्करहरु फरार भएका थिए । बरामद गरिएको लागु औषध गाँजा आवश्यक कारबाहीका लागि नेपाल प्रहरीको जिम्मा लगाउने बोर्डर आउट पोष्ट दक्षिण झिटकैयाका सशस्त्र प्रहरी नायब निरिक्षक चन्द्र बहादुर पुलामी मगरले जानकारी दिएका छन ।