नूर आलम बादशाह,कलैया । बाराको सिम्रौनगढमा बन्चरो प्रहारबाट ४ जना घाइते भएका छन् ।
आज बिहान ९ बजेको समयमा सिम्रौनगढ़ नगरपालिका–३, नैकाटोलामा सड़कको बिषयलाई लिएर विवाद हुँदा स्थानिय मनोज सिंह, सरोज सिंह र राजा सिंहले जथाभावी बन्चरो प्रहार गर्दा चार जना घाइते भएका छन । घाइते हुनेहरुमा नैकाटोला कै जयराम यादव, धर्मेन्द्र यादव, दिलवा देवी र मेराज यादव रहेका छन । सड़क सम्बन्धी भएको झगडाको बिषयलाई लिएर उनीहरु माथि धारिलो हतियार प्रहार भएको जनाइएको छ ।
घाइतेहरुलाई सिम्रौनगढ़ नगर अस्पतालबाट थप उपचारको लागि बीरगंज पठाइएको छ। यसरी जथाभावी बन्चरो प्रहार गर्ने दुई जनालाई प्रहरीले पक्राउ गरी अनुसन्धान अगाडि बढाएको सिम्रौनगढ़ इलाका प्रहरी कार्यालयले जनाएको छ ।
