कलैया । बारामा लागू औषध खैरो हिरोइन सहित १ भारतीय पक्राउ परेका छन् । पक्राउ पर्नेमा भारत बिहार मोतिहारी जिल्ला ग्राम पञ्चायत पण्डरी वडा नम्बर ३ बस्ने वर्ष ३६ को मोहमद मासुम रहेकोे जिल्ला प्रहरी कार्यालय बारा का प्रब्क्ता प्रहरी नायब उपरीक्षक राजेश थापा ले जानकारी दिएका छन् ।
सिमा प्रहरी चौकी छतवा बाट खटिएको प्रहरी टोलीले विश्रामपुर गाउँपालिका वडा नम्बर १ बटम चोक स्थित सडक खण्डमा सवारी साधानहरु चेकजाँच गर्ने क्रममा लागू औषध सहित उनलाई पक्राउ गरेको हो ।
बि आर ३० एफ ५१५६ नम्बर मोटरसाइकल मा भारत बाट नेपाल तर्फ आउदै गरेका मासुमले मोटरसाइकलको भाइजरको भागमा प्लाष्टिकमा राखी लुकाई छिपाई राखेको अवस्थामा २० ग्राम अवैध लागू औषध खैरो हिरोइन (ब्राउन सुगर) प्रहरीले फेला पारेको प्रहरी नायब उपरीक्षक खनाल ले जानकारी दिए । उनलाई पक्राउ गरी लागू औषध मुद्दामा बारा जिल्ला अदालतबाट पहिलो पटक ५ दिनको म्याद थप गरी थप अनुसन्धान कार्य भइरहेको प्रहरी नायब उपरीक्षक थापाले बताए ।
