कलैया ।बारा को महागढीमाई नगरपालिका स्थित एउटा विद्यालयमा छात्राहरुका लागि स्वचालित सेनेटरी प्याड उपलब्ध गराउने मेसिन जडान गरिएको छ ।
महागढीमाई नगरपालिका वडा नम्बर १ स्थित श्री गढीमाई महेन्द्र प्राविधिक नमुना माध्यमिक बिधालयमा आज एक कार्यक्रम का बीच नगर प्रमुख उपेन्द्र प्रसाद यादव ले बिधालय लाई सेनेटरी प्याड र भेन्डिङ मेसिन हस्तान्तरण गर्नु भएको हो ।
महीनावारीको समयमा छात्रा प्रायःजसो विद्यालय उपस्थित नहुने, विभिन्न समस्याका कारण विद्यालय आउन लजाउने जस्ता विषयहरुलाई ध्यानमा राखेर छात्रालाई झन सहज होस भन्ने उद्देशले विद्यालयमा मेसिन जडान गरिएको नगर प्रमुख यादव ले जानकारी दिएका छन् ।
उनले नगरका अन्य बिधालय मा समेत उक्त मेसिन जडान गर्न नगरपालिकाले गृहकार्य गरिरहेको बताएका छन् ।
