साजिर मन्सूर
बारा ,जेष्ठ १४
बाराको महागढिमाई नगरपालिकाका नव निर्वाचित जनप्रतिनिधिहरुले एक समारोहका बिच सपथ ग्रहण तथा पदभार ग्रहण गराईएको छ । नगरपालिकाका मेयर उपेन्द्र प्रसाद यादवले नव निर्वाचित उप मेयर तारा देबि कानु सहित समस्त वडा अध्यक्ष र वडा सदस्यहरुलाई सपथ खुवाएका हुन ।
सो अवसरमा निर्वाचित ११ वडाका अध्यक्षहरु क्रमशः मनोज कुमार गुप्ता,बिश्वनाथ प्रसाद कुसश्वाह,उपेन्द्र प्रसाद जयस्वाल,मनोज कुमार जयस्वाल,गजेन्द्र प्रसाद जयस्वाल,गेनालाल यादव,सिवेन्द्र प्रताप सिंह,ओहाब अन्सारी,दिलिप शुक्ला,चन्दन साह र अरबिन्द बन्ठा सहित सम्पुर्ण वडाका सदस्यहरुको उपस्थिति रहेको थियो । नगरपालिकाको प्राङ्गणमा भएको कार्यक्रममा
नव निर्वाचित जनप्रतिनिधिहरुलाई फुल माला अबिर लगाएर स्वागत गर्दै सम्मान गरिएको छ ।
कार्यक्रममा नव निर्वाचित मेयर यादवले कार्यक्रममा सम्बोधन गर्दै नगरपालिकाका समस्त जनतालाई धन्यवाद दिएका छन ।

नगरपालिकाको अधुरो सबै काम पुरागर्ने जिम्मेवारी यहाका जनताले मेरो काधमा जिम्मा दिएको प्रती आफुले त्यसलाई पूरा गर्ने बताए । यादवले हिजोको सारा बाचा आफुले पूरा गर्ने बताए । यादवले आज आफुले सपथ खाएर पदभार ग्रहण गर्दै नगरपालिका बासिको सेवकको रुपमा अहोरात्र सेवा गर्ने बताए ।
नेपाली काङ्ग्रेस मधेस प्रदेश उप सभापति चन्द्र शेखर यादवको प्रमुख आतिथ्यमा भएको कार्यक्रममा काङ्ग्रेस बाराका सचिव भैयाराम यादव,शिक्षक संघ बाराका अध्यक्ष परमहन्श यादव,समस्त पार्टी प्रतिनिधि,नागरिक समाजका अगुवा,सन्चारकर्मी सहित हजारौ नगरबासिको उपस्थिति रहेको थियो ।
महागढिमाई नगरपालिकाको प्रमुख प्रशासकिय अधिकृत महमद सेरे मुस्तुफाले स्वागत गरेको कार्यक्रमको सन्चालन शिक्षा शाखाको प्रमुख रामबिश्वास चौरसियाले गरेका थिए ।