साजिर मन्सूर
कलैया,असोज २९
कलैया उपमहानगरपालिका वडा नम्बर ६ ले बृहत रक्तदान कार्यक्रम को आयोजना गरेको छ । कलैयाको भरत चौकमा आयोजित कार्यक्रममा १ जना महिला अस्मिता खनाल सहित ६५ जनाले रक्तदान गरेको वडा नम्बर ६ का वडा अध्यक्ष राम बिश्वास ठाकुरले जानकारी गराए । अध्यक्ष ठाकुरले मानविय पुन्य कर्ममा सहयोग गर्न सबै वडा देखि पालिकाहरुले समेत रक्तदान जस्तो पवित्र कार्यक्रम को आयोजना गर्नुपर्नेमा जोड दिए । ठाकुरले केवल भौतिक पुर्वाधार को बिकास मात्र बिकास नहुने बताउदै अकालमा ज्यान गुमाउनु नपरोस भन्दै रक्तदान गर्नुपर्ने बताए । राम रहिम को नामले बारामा प्रख्यात रहेका जङ्गबहादुर यादव र महमद सगिरको बिशेष पहलमा कार्यक्रमको आयोजना भएको अध्यक्ष ठाकुरले बताए । नि बर्तमान संघीय सान्सद रामबाबु यादवको प्रमुख आतिथ्यमा भएको कार्यक्रममा नि बर्तमान प्रदेश सान्सद पारस साह,जिनियस डान्स एकेडेमी का प्रमुख अन्कुश ब्याहुत,सहित समाजसेविहरुको उपस्थिति रहेको थियो । कार्यक्रमको मिडिया पार्टनर बिश्वास एफएम कलैया रहेको थियो भने सहयोग-जिनियस डान्स एकेडेमी,गोपाल सेवा समिती र होटेल करण राज ले गरेका छन ।
