साजिर मन्सूर
कलैया,फाल्गुन १
बाराको सदरमुकाम कलैयामा फागुन ९ गते देखि कलैया टि–२० मेयर कप क्रिकेट प्रतियोगिता हुने पत्रकार सम्मेलन बाट जनाईएको छ ।
कलैया उपमहानगरपालिकाको मुख्य सहयोगमा कलैया क्रिकेट क्लबले कलैया मेयर टि–२० मेयर कप क्रिकेट प्रतियोगिता आयोजना गर्न लागेको हो । सोमबार कलैया स्थित सिदेस्वर खेल परिषरमा पत्रकार सम्मेलन गरि क्लबले प्रतियोगिताका बारेमा जानकारी पनि गराएको छ ।
कलैयाको सिद्धेश्वर स्थित खेल मैदानमा सन्चालन हुने प्रतियोगितामा नेपाल र भारतका गरि ६ वटा टिमले भाग लिने आयोजकले जनाएका छन्। प्रतियोगितामा नेपालको बाराको कलैया , पर्साको वीरगन्ज , चितवन र मकवानपुर तथा भारत बिहारको बेतिया र मोतिहारी क्रिकेट क्लबले भाग लिने आयोजक कलैया क्रिकेट क्लबलका अध्यक्ष तसिरुद्दिन मन्सूरले पत्रकार सम्मेलनमा जानकारी गराए ।
प्रतियोगितको उपाधि विजेता टिमलाई नगद ६० हजार सहित ट्रफी र उपविजेता टिमलाई नगद ३० हजार सहित ट्रफी प्रदान गरिने अध्यक्ष मन्सूरले बताए ।
पत्रकार सम्मेलनमा कलैया उपमहानगरपालिकाका मेयर विनोद साहले प्रतियोगिताको विजेता र उपविजेता टिमलाई प्रदान गरिने ट्रफी सार्वजनिक गरेका थिए ।
कलैया क्रिकेट क्लबका मन्सूरको अध्यक्षता तथा कलैया उपमहानगरपालिकाका मेयर विनोद साहको प्रमुख आतिथ्यतामा भएको पत्रकार सम्मेलनमा जिल्ला क्रिकेट संघ बाराका अध्यक्ष प्रभात चौरसिया, सचिव अनिल चौगाई ,कोषाध्यक्ष सुभाष जयसवाल , नगर खेलकुद विकास समितिका संयोजक एम समिउल्लाह, नगर खेलकुद विकास समितिका पुर्व अध्यक्ष दिब्यनाथ श्रेष्ठ,जटाशंकर सरार्फ,चर्चित क्रिकेटर सन्जम रेग्मी लगायतको पनि उपस्थिति थियो ।
