साजिर मन्सूर
कलैया,चैत्र ३
नेपाल शिक्षक संघ बाराको ९ औ अधिवेशन शुरु भएको छ । बाराको सदरमुकाम कलैया स्थित श्री ३ चन्द्र माबी कलैया को प्राङ्गणमामा आयोजित कार्यक्रममा जिल्ला अध्यक्ष परमहन्श यादवले सरस्वती माताको तस्बिरमा माला लगाई अधिवेशनको उदघाटन गरेका छन । आगामी चार बर्षको लागि अधिवेशनबाट नया नेतृत्व सहित कार्यसमिति चयन गर्ने आयोजक नेपाल शिक्षक संघ बाराले जनाएको छ । उदघाटन सत्र पछि आजै बन्द शत्र शुरु हुने तथा नेतृत्वका लागि सहमतिको अधिकतम प्रयास गर्ने आयोजकले जनाएको छ । बन्द शत्रबाट सहमति नजुटे भोलि शनिबार चुनाव गराईने समेत जनाईएको छ ।
आगामी अध्यक्ष पदका लागि बर्तमान जिल्ला अध्यक्ष परमहन्श यादवले पुनः दोहोरीने ईच्छा देखाईसकेका छन भने बर्तमान कार्यसमिति सचिव राजकिशोर सहनिले समेत अबको अध्यक्ष आफुले पाउनुपर्ने दाबी गरेका छन । नेपाल शिक्षक संघ बारामा अहिले १७ सय शिक्षकहरु सदस्य रहेको सचिव सहनिले बताएका छन ।