साजिर मन्सूर
कलैया,चैत्र १०
नेपाल शिक्षक संघ बाराको ९ औ अधिवेशनबाट अध्यक्ष पदमा राजकिशोर सहनी बिजयी भएका छन । बाराको सदरमुकाम कलैया स्थित श्री ३ चन्द्र माबी कलैया को प्राङ्गणमामा चैत्र ३ गते उदघाटन भएको अधिवेशनको बन्द शत्रले सर्व सम्मत पदाधिकारी चयन गर्न नसकेपछी चैत्र ८ गते चुनाव तोकिएको र सम्पन्न चुनावमा यस अगाडी सचिव रहेका सहनीले अध्यक्ष परमहन्स यादवलाई पराजित गरेका छन ।
सहनिले १११७ मत पाउँदा उनका प्रतिद्वन्द्वी यादवले ८७७ मत पाएका छन । आगामी चार बर्षको लागि अधिवेशनबाट नया नेतृत्वमा उपाध्यक्ष पदमा क्रमशः अनिला चौधरी र सुभाश चन्द्र यादव,सचिवमा सुकदेव यादव,अर्थ सचिवमा ऋषिकान्त कुमार,सह सचिवमा रामबिनय प्रसाद यादव,समावेशी सह सचिवमा धनिराम चौधरी र हितेन्द्र चौधरी बिजयी भएको निर्वाचन अधिकृत पवन यादवले जानकारी गराएका छन । यस्तै सदस्यहरूमा अमृता किमारी राई,भोला साह,मनोज शर्मा,रामानन्द यादव,कपिलदेव यादव,कमेश दुबे,दिपनारायण चौधरी,राजा खा पठान,नबृजकिशोर यादव,राजकपुर सहनी,रामदेव यादव र बिध्या यादव बिजयी भएको निर्वाचन अधिकृत यादवले जनाएका छन ।
नेपाल शिक्षक संघ बारामा अहिले २२ सय २२ शिक्षकहरु सदस्य रहेका छन ।
