साजिर मन्सूर
कलैया,बैशाख १७
कलैया उपमहानगरपालिकाको सुचना प्रबिधि शाखामा आगलागी हुदा करिब १० लाख बराबरको समान जलेर नस्ट भएको सुचना प्रबिधी अधिकृत सुरेश यादवले जनाएका छन । बैशाख १३ गते राती करिब ९:३० बजे सर्ट शर्किट भएर आगो लागेको र आगो को मुस्लो र धुवा बाहिर आएको देखेर पालेहरुले खबर गरेको यादवले जनाएका छन । आगो लाग्दा स्टेपलाईजर १ थान,ईन्भर्टर १ थान,ट्युबलर ब्याट्री ३ थान,माईक्रो टेक भिपिएन राउटर १७ पिस ,ब्याक अप सरभर डेल कम्प्युटर १ पिस,काठको रक १ पिस,सिलिङ्ग पंखा १ पिस,प्लास्टिक कुर्सी २ पिस,एल ई डि टिभी १ पिस,एम टु नेटवर्क डिभाईस ८ पिस,एम फाईभ नेटवर्क डिभाईस १८ पिस,सिसिटिभी क्यामेरा ८ पिस लगायतका अन्य कागजातहरु पुर्ण रुपमा जलेर नस्ट भएको यादवले जनाएका छन । आगोलाई नियन्त्रण गर्न महागढिमाई नगरपालिकाको बरुण यन्त्र बोलाईएको थियो । अहिले अवरुद्ध सेवा सुचारु भैसकेको यादवले जनाएका छन ।
