विशवास सम्बादाता

भाद्र २३ गते काठमाण्डौंको मित्रपार्कमा कलैयावासीको पुनर्मिलन र भेटघाट कार्यक्रम सम्पन्न भएको छ। उक्त पुनर्मिलन कार्यक्रममा कलैयावासी हाल काठमाण्डौमा बसोबास गरिरहेका पुरुष १९८ र महिला ३३७ गरी जम्मा ५३५ जनाको सहभागीता थियो । वरिष्ठ भोजपरी हास्य कवि माधवप्रसाद गौतमले पानसमा बत्ति बालेर कार्यक्रमको उद्घाटन गर्नुभएको थियो भने स्वागत मन्तव्य पूर्व प्राध्यापक शुकदेवउपाध्यायले दिनुभएको थियो ।
ज्येष्ठ नागरिकहरुलाई खादा लगाई सम्मान गरिएकोथियो । सातजना ज्येष्ठ महिलाहरुको हाँतबाट अन्य महिला दिदीबहिनीहरुलाई उपहार स्वरुप साडी प्रदान गरिएको थियो । उपहार वितरण कार्यक्रमको संचालन बैकुण्ठ सिग्देलले गर्नुभएको थियो । एकल, यूगल र सामूहिक नृत्य, गायन, कविता प्रस्तुत गरी सहभागीहरुले सांस्कृतिक कार्यक्रम मार्फत आ आफनो प्रतिभा प्रदर्शन गरेका थिए । कलैयाका छोरी र बहारी बीचको अन्ताक्षरीको प्रतिस्पर्धा लगायत बिगो खेलको पनि आयोजना गरिएको थियो । सेवा प्रदायक संस्थाको सहयोगमा उक्त कार्यक्रमको प्रत्यक्ष प्रशारण फेसबुक मार्फत हुने व्यवस्था गरिएको थियो । देश,विदेशमा बस्ने कोह कलैयावासीले पनि उक्त कार्यक्रमको लागी आर्थिक सहयोग पठाएका थिए । व्यवस्थापनको दृष्टिकोणबाट कार्यक्रम व्यवस्थित, विशाल र अभुतपूर्व रहेको सहभागीहरुले प्रतिकृया दिएका छन् ।