सिरहा ।सिरहामा श्रीमानको हत्या आरोपमा श्रीमती पक्राउ परेकी छिन । जिल्ला को गोलबजार नगरपालिका वडा नं.४ बस्ने वर्ष ३९ को दुखरन महरा मोचीको घांटी रेटीएको अबस्थामा भारतको मधुवनि जिल्लाको जयनगर स्थित वरही गाउँको नहरमा गत भदौ १८ गते शव फेला परेको थियो ।घटना सम्बन्धमा अनुसन्धानको क्रममा मृतकको श्रीमती हरिहर देवी महराले आफ्नो श्रीमानको हत्या आरोपमा पक्राउ गरिएको प्रहरी ले जनाएको छ ।
अनुसन्धानको क्रममा मृतकको श्रीमती हरिहर देवी ले आफ्नो श्रीमानको हत्या गराउने योजना मुताविक गत भदौ १७ गते मृतकलाई उपचारको बाहानामा भारतको जयनगर पुर्याई भारतिय नागरीक मुकेश यादव लगायतलाई नेपाली रुपैया ६ हजार दिई आफ्नै श्रीमानको कर्तव्य गरी हत्या गरेको खुलेको प्रहरी ले जनाएको छ ।
प्रहरी ले असोज ०३ गते पक्राउ गरेको थियो । उनलाई जिल्ला प्रहरी कार्यालय सिरहाबाट थप अनुसन्धान कार्य भईरहेको छ ।
