कलैया । लामो रस्साकशी पछी नेकपा (एकीकृत समाजवादी) दुई मन्त्रीसहित प्रदेश २ सरकारमा सहभागि भएको छ ।
प्रदेश प्रमुख हरिशंकर मिश्रले मुख्यमन्त्री लालबाबु राउतको सिफारिसमा नेकपा (एस)का संसदीय दलका नेता शत्रुधन महतो लाई उद्योग पर्यटन तथा वन मन्त्री र सांसद प्रमोद यादवलाई कानुन न्याय तथा प्रदेश मामिला मन्त्रीको रूपमा पद तथा गोपनीयताको शपथ गराएका हुन् ।
शपथ ग्रहण समारोहमा मुख्यमन्त्री राउत, प्रदेश सरकारमा भौतिक पूर्वाधार विकास मन्त्री रामसरोज यादव, आन्तरिक मामिला तथा सञ्चारमन्त्री भरत प्रसाद साहसहितको मन्त्री तथा नेताहरुको उपस्थिति रहेको थियो ।
