कलैया । बारामा सवारी दुर्घटनामा परी एक जना को मृत्यु भएको छ । सोमबार बेलुका जितपुरसिमरा उपमहानगरपालिका वडा नम्बर १६ स्थित पूर्व पक्षिम राजमार्ग सडक खण्डमा पिकअप र टिपर एकआपसमा ठोक्किँदा दुर्घटना भएको हो । उक्त दुर्घटनामा परी एक जनाको मृत्यु भएको छ भने चार जना घाइते भएको जिल्ला प्रहरी कार्यालय बाराका प्रब्क्ता प्रहरी नायब उपरीक्षक राजेश थापाले बताए ।
मृत्यु हुनेमा महोत्तरीको औरही नगरपालिका वडा नम्बर १ बस्ने ३० वर्षीय सञ्जीव मण्डल रहेको प्रहरी नायब उपरीक्षक थापाले बताए । उनको उपचारको क्रममा वीरगञ्जस्थित न्यूरो अस्पतालमा मृत्यु भएको । अन्य घाइते भएका चार जना को अस्पताल मा उपचार भैरहेको छ ।
पूर्व तर्फ जाँदै गरेको प्रदेश २-०३-००१ च ४३२० नम्बरको महिन्द्रा पिकअप र बिपरित दिशाबाट आउँदै गरेको प्रदेश २-०३-००१ क १९७१ नम्बरको टिपर एक आपसमा ठोकिँदा दुर्घटना भएको जिल्ला प्रहरी कार्यालय बाराले जनाएको छ ।
