साजिर मन्सूर
कलैया,पुष ९
रामराजा ( मोबि साह) बहुमुखी क्याम्पस कलैयाको ४२ औ बार्षिकोत्सवको अवसरमा आजदेखी साता ब्यापी विभिन्न खेलकुद प्रतियोगिताको आज एक कार्यक्रम बिच उदघाटन भएको छ । क्याम्पस प्राङ्गणमा शुरु भएको प्रतियोगिताको सहायक क्याम्पस प्रमुख हेतनारायण चौधरीले उदघाटन गरेका छन । हरेक बर्ष बार्षिकोत्सवको अवसरमा विभिन्न खेलकुद गराउदै आईएको सहायक क्याम्पस प्रमुख हेतनारायण चौधरीले बिश्वास एफएम लाई जनाएका छन ।

आज सम्पन्न खेलमा पुरुष एथलेटिक्स तर्फ बिबिएस दोश्रो बर्षका सागर गुप्ता प्रथम र कक्षा ११ का मोईन आलम दोश्रो भएका छन । त्यसतै महिला एथलेटिक्स तर्फ बिबिएस प्रथम बर्षको कुल्सुम खातुन प्रथम र कक्षा १२ को ज्योति मण्डल दोश्रो भए ।
यता स्टेन्डिङ्ग ब्रोड जम्प मा पुरुषतर्फ बिबिएस प्रथम का साहेब बाबू मन्सूर प्रथम र कक्षा १२ का राजु पटेल दोस्रो भएका हुन । महिला तर्फ कक्षा १२ कि सिद्दी केवट प्रथम र सोही कक्षा कि रोशनी खातुन दोस्रो भएको सहायक क्याम्पस प्रमुख चौधरीले जानकारी गराएका छन ।
ब्याडमिन्टन एकल तर्फ पुरुषमा मोईन आलम प्रथम र रितिक कुमार साह दोश्रो भएका छन । महिला एकल ब्याडमिन्टन मा ह्यापी कुमारी मिश्रा प्रथम र अन्सु पान्डे दोश्रो भैइन ।
कबिता बाचन तर्फ निक्की कुश्वाहा प्रथम र सुनिल यादव दोश्रो भएका छन । बक्तृत्वकला तर्फ जास्मिन खातुन प्रथम र दिपेश यादव दोश्रो भएका छन ।
बक्तृत्वकला,कबिता र निबन्धको जजहरु सृजना कुमारी राय र भागवत पान्डे,सुनिता जयस्वाल प्रेम शंकर प्रसाद मुखिया रहेका थिए ।
भोलि पनि विभिन्न प्रतियोगिता को आयोजना गरिने चौधरीले जनाएका छन ।
निबन्धको परिणाम भोलि आउने चौधरीले जनाएका छन ।