कलैया । विश्रामपुर गाउँपालिकामा क्रिकेट खेलाडीलाई सामाग्री बितरण गरिएको छ । उक्त गाउँपालिकाको वडा नम्बर ५ का खेलाडीहरुलाई क्रिकेट सामाग्री हस्तान्तरण गरिएको हो । गाउँपालिका अध्यक्ष अमिरिलाल राउत (पाल) ले क्रिकेट खेलाडीलाई सामाग्री हस्तान्तरण गरेका हुन ।
जुत्ता, ब्याट, ग्लोब्स, ब्याटिङ्ग ग्लोब्स, स्टेम्प, बल, किक ब्याग लगायतका क्रिकेट सामाग्री हस्तान्तरण गरेका हुन् ।
सामाग्री हस्तान्तरण कार्यक्रममा बोल्दै गाउँपालिका अध्यक्षले पाल ले बिश्रामपुर गाउपालिका भरिका १२ वटा क्लबका खेलाडीहरुलाई खेलकुद सामग्री बितरण गर्ने योजना अनुरुप सो खेल सामग्री बितरण गरिएको बताउनु भयो । सो कार्यक्रमका लागि १० लाख गाउँ सभा बाट बिनियोजन गरिएको समेत उनले बताउनु भयो ।
खेलाडी उत्पादन भए गाउँपालिकाको नाम देशमा मात्र नभएर बिदेशमा समेत चल्ने भएकोले गाउँपालिकाले खेलाडी को मनोबल उच्च राख्न सबै खेलका लागि आवस्यक सहयोग गर्ने पालले बताउनु भयो ।
