कलैया । बारा मा लागू औषध सहित दुई जना पक्राउ परेका छन् । पक्राउ पर्ने मा भारत बिहार पुर्बी चम्पारण मोतिहारी सिसुवा बस्ने बर्ष २९ को मुन्ना कुमार र सोही ठाउँ का बर्ष ३५ को मुनिलाल कुमार रहेको जिल्ला प्रहरी कार्यालय बारा का प्रब्क्ता प्रहरी नायब उपरीक्षक गौतम मिश्र ले बताउनु भयो ।
ईलाका प्रहरी कार्यालय जीतपुर बाट चेकिङ डिउटीमा खटीएको प्रहरी टोलिले जीतपुरसिमरा उप-महानगरपालिका वडा नम्बर ७ स्थित वीरगंज-पथलैया सडक खण्डमा ऊनीहरु दुबै लाई पक्राउ गरेको हो ।
बिरगंजबाट काठमाण्डौ जानको लागि आएको ना.६ ख ६३७७ न.को यात्रु बाहक बसमा प्रहरीले चेकजाँच गर्ने क्रममा डस्नाभित्र लुकाई छिपाई ल्याएको लागू औषध डाईजेपाम ६०० पिस , फेनारगन पिस ६०० पिस , नुफिम ६०० पिस गरि जम्मा १८०० पिस बरामद गरेको हो ।
लागू औषध सहित दुबै जना लाई पक्राउ गरी थप अनुसन्धान भइरहेको प्रहरी नायब उपरीक्षक मिश्र ले बताउनु भयो ।
