कलैया । बारा मा १२ किलो गाँजा सहित ३ जना पक्राउ परेका छन् । पक्राउ पर्नेमा मकवानपुरको राक्सिराङ गाउँपालिका वडा नम्बर २ बस्ने २३ वर्षीय सुमन रुम्बा, २० वर्षीय बिजय थिङ र १९ वर्षीय अखिल मोक्तान रहेको जिल्ला प्रहरी कार्यालय बारा का प्रब्क्ता प्रहरी नायब उपरीक्षक गौतम मिश्र ले बताउनु भयो ।
इलाका प्रहरी कार्यालय जीतपुर बाराबाट खटिएको प्रहरी टोलीले जीतपुरसिमरा उपमहानगरपालिका–७ स्थित टेढा रोडमा उभिएका उनीहरुको झोला चेकजाँच गर्दा ४ वटा पोकामा १२ किलो गाँजा फेला पारेको हो ।
उनीहरुलाई पक्राउ गरी लागू औषध मुद्दामा जिल्ला अदालत बारा बाट म्याद थप गरी थप अनुसन्धान शुरु गरिएको प्रहरी नायब उपरीक्षक मिश्र ले बताउनु भयो ।
