कलैया । नेपाली कांग्रेस कलैया उपमहानगरपालिकाको नगर सभापतिमा पुरुषोत्तम सिंह पाण्डे निर्वाचित भएका छन। निकटतम प्रतिद्वन्दी संजय प्रसाद गुप्ता लाई पाण्डेले २६ मत अन्तरले पराजित गरेका हुन्।
पाण्डेको पुरै प्यानल निर्वाचित भएको हो। पाण्डे संस्थापन (देउवा) संस्थापन पक्षका र गुप्ता इतर पक्षका हुन्। सभापतिमा निर्वाचित भएका पाण्डे ले २ सय ३१ र गुप्ताले २ सय १ मत प्राप्त गरेको मतदान स्थल का प्रमुख निर्वाचन अधिकृत रामबली महतोले बताउनु भयो । यस्तै उपसभापतिमा निर्वाचित भएका अम्बिका प्रसाद यादव २२१ र नुरहसन मंसुर २२० मत ल्याएका छन्।
सचिवमा पनि पाण्डे पक्षका मुकेश प्रसाद साहले २४१ र सुरेश प्रसाद तेलीले २२४ मत ल्याएका हुन् ।
सहसचिवमा निर्वाचित भएका मेहिलाल चौधरीले २२८ र सुबाष जयसवालले २४४ मत ल्याए। निकटतम प्रतिस्पर्धी हरिओम कुमार साहले २१४ र सतिस कुमार जयसवालले १७३ मत ल्याएको मतदान प्रमुख निर्वाचन अधिकृत महतोले बताउनु भयो । कलैया उपमहानगरपालिका को कुल मत संख्या ४५२ मा ४४१ मत खसेको थियो ।
