साजिर मन्सुर ,कलैया । विवेकशिल साझा पार्टी संगठन निर्माण कार्यक्रम बाराको सदरमुकाम कलैयामा सम्पन्न भएको छ ।
कलैया उपमहानगरपालिका वडा नम्बर ५ मा रहेको बरेवा दरबार होटलमा शनिवार एक कार्यक्रम का बीच उक्त कार्यक्रम सम्पन्न भएको हो । नेपालमा वैकल्पिक राजनीतिको वकालत गर्दै आएको विवेकशील साझा पार्टीले बारा सहित देशैभरि संगठन बिस्तारको विशेष अभियानमा जुटेको छ ।
उक्त अभियानले बारामा पनि सदस्यता वितरण, पार्टीका विभिन्न तहगत समितिहरुको निर्माण, सदस्यहरुको लागि अभिमुखिकरण प्रशिक्षण, खुला अन्तरक्रियात्मक कार्यक्रम, भेला तथा सभाहरुको आयोजनाहरु भैरहेको छ ।
शनिवार भएको कार्यक्रममा विवेकशील साझा पार्टीका सँयोजक रवीन्द्र मिश्रको प्रमुख अतिथि रहेको थियो । त्यस्तै कार्यक्रम को विशिष्ट अतिथी पार्टीका बारा जिल्ला अध्यक्ष डा . सुशिल साह को रहेको थियो ।
हाल सम्म पार्टी को सदस्यता गयासुलाह मँसुर , सँताेष साह , सुरेश सहनी , राजिव साह, उदिप यादव सहित ३५ जनाले ग्रहण गरेको पार्टीले जनाएको छ ।
कार्यक्रममा सम्बोधन गर्दै पार्टीका सँयोजक मिश्रले बिबेक भएका तमाम जनता यो पार्टी मार्फत देशको बिकास गर्ने एजेण्डा हाम्रो साथ दिने बताउनु भयो । साथै सारा नेपाली जनताको भरोसा एक दिन विवेकशील साझा पार्टी मै हुने मिश्रले बताएका छन् ।
कार्यक्रममा बोल्दै जिल्ला अध्यक्ष डा. साहले विवेकशील साझा पार्टीले मूल्य-मान्यतामा आधारित सुसंस्कृत राजनीति गर्न खोजेको र आफ्नो पार्टीको राजनीतिक विचारधारा कल्याणकारी र सहभागितामुलक लोकतन्त्र भएको वताउनु भएको छ । उनले विचारभन्दा माथि देश याे पार्टीको मुल एजेण्डा रहेकाे बताउनु भयाे ।पार्टी लाई बारामा हरेक जनताको घर दैलो सम्म पुगेर बाराली जनताको साझा पार्टी बनाउने जिल्ला सम्योजक साहले बताउनु भयो
