कलैया । मोटरसाइकल चोरी गरी भाग्दै गरेको अवस्थामा एक युवक पक्राउ परेका छन् । पक्राउ पर्नेमा वीरगञ्ज महानगरपालिका वडा नं.२ बस्ने बर्ष २० को मोहमद अली रहेका छन् ।
वीरगञ्ज महानगरपालिका वडा नं.१५ भिष्वा चोकमा फेटा गाउँपालिका वडा नं.३ बस्ने बर्ष ३१ को नरेश प्रसाद साहको नाममा दर्ता रहेको प्रदेश २-०३-०१२ प ५८६ नम्बरको कालो रंगको १६० जिसि को अपाचे मोटरसाइकल पार्किङ गरी राखिएको अवस्थामा अलिले लक तोडी भाग्दै गरेको अवस्थामा पक्राउ गरेको जिल्ला प्रहरी कार्यालय पर्साका प्रब्क्ता प्रहरी नायब उपरीक्षक ओमप्रकाश खनालले बताए ।
प्रहरी चौकी भिष्वाडाडाँबाट खटिएको गस्ती टोलीले मोटरसाइकल सहित नियन्त्रणमा लिई चोरी सम्बन्धी कसूरमा अनुसन्धान अगाडि बढाएको प्रहरी नायब उपरीक्षक खनालले बताए ।
