कलैया । बारामा सुमो र ट्रक एक आपसमा ठोकिँदा ४ जना घाइते भएका छन् ।
जिल्ला को जितपुरसिमरा उपमहानगरपालिका वडा नम्बर २ सिमरास्थित पथलैया-वीरगञ्ज सडक खण्डमा पथलैया तर्फ जाँदै गरेको ना ४ ख ४५०० नम्बरको ट्रकमा पछाडीबाट आएर ना १ ज ३५६३ नम्बरको सुमोले ठक्कर दिँएको प्रहरीले जनाएको छ । उक्त दुर्घटनामा परी ४ जना घाइते भएको जिल्ला प्रहरी कार्यालय बाराका प्रब्क्ता प्रहरी नायब उपरीक्षक राजेश थापाले बताउनु भयो ।
घाइते हुनेमा वीरगञ्ज महानगरपालिका वडा नम्बर १० अशोकवाटिका निवासी २१ वर्षीय रश्मि महर्जन, भारत बिहार बैशाली जिल्ला करताहा गाउ बस्ने ४८ वर्षीय प्रेम कुमार, बिहार छपरा जिल्ला समतपुर गाउ बस्ने २० वर्षीय साहथद आलम र सिकिन्दर आलम रहेको प्रहरी नायब उपरीक्षक थापाले बताउनु भयो ।
घाइतेहरुको अवस्था सामान्य रहेको छ भने उनीहरुको सिमरास्थित अल्पाईन अस्पतालमा उपचार भइरहेको प्रहरीले जनाएको छ । प्रहरीले सुमो चालकलाई मात्र नियन्त्रणमा लिएर अनुसन्धान अगाडी बढाइएको छ ।
