कलैया । बाराको कलैया उपमहानगरपालिका वडा नम्बर २२ मा एकै दिन नवनिर्मित वडा कार्यालय भवन र बर्थिङ सेन्टरको उद्घाटन गरिएको छ । कलैया उपमहानगरपालिका का नगर प्रमुख राजेश राय यादव , उप-प्रमुख रहिमा खातुन , वडा नम्बर २२ का वडा अध्यक्ष लालबाबु यादवले संयुक्त रुपमा उक्त नवनिर्मित वडा कार्यालय भवन र बर्थिङ सेन्टरको उद्घाटन गरेका हुन ।

१५ धुर जग्गामा ४ कोठे भवन को वडा कार्यालय निर्माण सम्पन्न भएको छ । सो वडा कार्यालय कलैया उपमहानगरपालिका को नगर स्तरीय बजेट बाट ५० लाख को लागत मा निर्माण भएको उपमहानगर ले जनाएको छ ।
भवन निर्माण पश्चात् नगर प्रमुख यादवले प्रत्येक वडामा आफ्नै कार्यालय भवन निर्माण गरी सेवा दिने योजना अनुरूप वडा कार्यालय भवन निर्माण गरिएको बताउनु भयो ।
नगर प्रमुख यादवले वडा कार्यालय भवन निर्माणको लागी जग्गा दिने जग्गा दाताहरुलाई दोसल्ला ओढाएर सम्मान समेत गर्नु भएको थियो ।

उक्त उद्घाटन कार्यक्रम मा नगर प्रमुख , उप-प्रमुख ,प्रमुख प्रशासकिय अधिकृत नाथु साह , वडा अध्यक्ष लालबाबु यादव, वडा सदस्यहरु , वडा सचिव रामएकवाल प्रसाद कुर्मी , उपमहानगरका कर्मचारीहरु , विभिन्न सन्चारगृह का सन्चारकर्मी , सहित स्थानीयहरु को उपस्थिति रहेको थियो ।