कलैया । चोरीको मोटरसाइकल सहित तिन जनालाई पर्सा प्रहरीले पक्राउ गरेको छ । बाराको परवानीपुर गाउँपालिका वडा नम्बर ३ बस्ने वर्ष २२ को निरन्जन रौनियारको प्रदेश २-०३-००७ प. ८३०५ नम्बर को होण्डा साइन मोटरसाइकल फागुन ५ गते दिउँसो वीरगञ्ज महानगरपालिका वडा नम्बर १० स्थित ठाकुरराम बहुमुखी क्याम्पसको पार्किङस्थलमा पार्किङ गरी राखिएको अवस्थाबाट चोरी गर्ने तीन जना पक्राउ परेका छन् । पक्राउ पर्नेमा वीरगञ्ज महानगरपालिका वडा नम्बर २४ बस्ने वर्ष २४ को दिलीप कुमार चौधरी , वडा नम्बर ३ बस्ने वर्ष ३२ को महमद हस्मोदिन मियाँ र वडा नम्बर २५ बस्ने वर्ष २४ का राजन पटेल रहेकोे जिल्ला प्रहरी कार्यालय पर्सा का प्रब्क्ता प्रहरी नायब उपरीक्षक ओमप्रकाश खनालले बताए । मोटरसाइकल चोरी गरि पटेलले आफ्नो घरमा लुकाइछिपाई राखेको र उक्त मोटरसाइकलको पार्टपुर्जा खोली मियाले आफ्नो ना.८ प. १०८३ नं.को होण्डा साइन मोटरसाइकलमा लगाएको अनुसन्धानमा खुलेको प्रहरी नायब उपरीक्षक खनालले बताए । प्रहरीले मियाको घरबाट मोटरसाइकल र राजन पटेलको घरबाट चोरी भएको मोटरसाइकल बरामद गरी तिनै जना लाई नियन्त्रणमा लिई जिल्ला अदालत पर्सा बाट ७ दिन म्याद लिई अनुसन्धान भैरहेको प्रहरी नायब उपरीक्षक खनालले बताए ।
