कलैया । पर्साको बीरगञ्ज महानगरपालिका वडा नम्बर १६ फूलबरिया टोलस्थित गाईगोठमा काम गर्ने ब्यक्ति को हत्या गरेको आरोपमा प्रहरीले एक जना लाई पक्राउ गरेको छ ।
बाराको फेटा गाउँपालिका वडा नम्बर ४ फूलबरिया बस्ने वर्ष ४६ का प्रेमचन्द्र महराको गर्धन र टाउकोको पछाडि भागमा खुकुरी प्रहार गरी हत्या गरिएको अवस्थामा शुक्रवार सोहि गोठमा फेला परेको थियो ।
प्रहरीले उक्त घटनामा संलग्न बीरगञ्ज महानगरपालिका वडा नम्बर ८ बस्ने गाईगोठका धनी वर्ष ३४ का दीपक कुमार महरालाई पक्राउ गरेको जिल्ला प्रहरी कार्यालय पर्साका प्रब्क्ता प्रहरी नायब उपरीक्षक ओमप्रकाश खनालले बताए । प्रहरीले महरा लाई बीरगञ्ज महानगरपालिका वडा नम्बर ४ बिर्ताबाट नियन्त्रणमा लिइएको हो ।
घटनास्थलबाट हत्यामा प्रयोग भएको खुकुरी प्रहरीले बरामद गरेको छ । प्रहरी नायब उपरीक्षक खनालका अनुसार हाल सम्म को अनुसन्धानमा घटनाको कारण अनैतिक सम्बन्धले उत्पन्न गरेको प्रतिशोध देखिएको जानकारी दिए । यस सम्बन्धमा थप अनुसन्धान भैरहको उनले बताए ।
