कलैया । मोटरसाइकल चोरी गरि भाग्दै गएको अवस्थामा पर्सा प्रहरीले बारा का एक युवक लाई पक्राउ गरेको छ । पक्राउ पर्नेमा बाराको महागढीमाई नगरपालिका वडा नम्बर ११ बस्ने २१ वर्षीय कुशनन्दन चौधरी रहेका छन् ।
वीरगञ्ज महानगरपालिका वडा नम्बर १६ स्थित अनिता जनरल स्टोर अगाडी पार्किङ्ग गरेर राखिएको अवस्थामा फागुन २० गते बेलुका ना. २४ प. ४७२ नम्बरको मोटरसाइकल चोरी गरेर भाग्दै गरेकोको अवस्थामा चौधरीलाई पर्सा प्रहरीले पक्राउ गरेको हो ।
मोटरसाइकल धनीले प्रहरीलाई जानकारी गराएकपछि स्थानीय प्रहरीले चौधरीलाई भाग्दै गर्दा पक्राउ गरिएको जिल्ला प्रहरी कार्यालय पर्साका प्रब्क्ता प्रहरी नायव उपरीक्षक ओमप्रकाश खनालले जानकारी दिएका छन् ।
चौधरीमाथि चोरी सम्बन्धी कसूरमा अनुसन्धान भइरहेको प्रब्क्ता खनालले जानकारी दिएका छन् ।
