कलैया । गत कात्तिक २५ गते छठ पर्व को दिन दुई पक्षबीच भएकाे झडपमा परी मृत्यु भएका कलैया उपमहानगरपालिका वडा नम्बर २५ का १८ वर्षीय राधेश्याम राउत कुर्मी पटेल काे परिवार लाई सरकारले आर्थिक सहयोग गरेको छ ।
झडपमा परी घाइते भएका पटेलको एन एस न्युरो तथा जेनेरल होस्पिटल मा उपचारको क्रममा पुस २१ गते मृत्यु भएको थियो ।
आज जिल्ला प्रशासन कार्यालय बाराको सभाहलमा प्रतिनिधि सभा सदस्य रामबाबु कुमार यादव , प्रदेश सभा सदस्य पारस प्रसाद साह , प्रमुख जिल्ला अधिकारी कृष्ण बहादुर कटुवाल , जिल्ला प्रहरी कार्यालय बाराका प्रमुख प्रहरी उपरीक्षक दिपेन्द्र शाही , शस्त्र प्रहरी बाराका प्रमुख ले संयुक्त रुपमा मृतक का पिता राजकुमार राउत कुर्मी पटेल लाई १० लाख को चेक हस्तान्तरण गरेका हुन् । प्रमुख जिल्ला अधिकारी कट्वालले चेक हस्तान्तरण गर्दै घटनामा संलग्न ८ जनामाथी ज्यानमार्ने उधोगको मुद्दा दर्ता भईसकेको बताए । यद्यपि हालसम्म एक जना पक्राउ परेका छन् ।
उनले फरार रहेका बाँकी आरोपीहरुलाई सिघ्र पक्राउ गरी कानुनी दायरामा ल्याउने प्रतिबद्धता समेत जनाएका छन् । कट्वालले मृतक परिवारका एक सदस्यलाई रोजगारको व्यवस्था समेत गर्ने जनाएका छन् ।
मृतक का परिवारलाई क्षतिपूर्ति को माग गर्दै केही महिना अघि गृहमन्त्री बालकृष्ण खाणलाई विश्व हिन्दू परिषद् नेपालका महासचिव जितेन्द्र कुमार सिंह नेतृत्वको टोलीले ज्ञापनपत्र बुझाएको थियो ।
परिषदले गत माघ १० गते पनि जिल्ला प्रशासन कार्यालय बारा मा स्व. पटेललाई यथाशीघ्र धर्मिक सहिद घोषणा गरि निजको परिवारले पाउनुपर्ने क्षतिपूर्ति भराइपाउन , दोषी लाई कडा कार्वाही गर्नु पर्ने लगायत को विषय मा माग गरेको थियो । पटेलका परिवारलाई क्षतिपूर्ति दिलाउनका लागि कलैयामा दिनहुँ प्रदर्शन हुँदै आएको थियो ।
