कलैया । बारामा ट्रकले स्कुटीलाई ठक्कर दिदा एक वृद्धको मृत्यु भएको छ । मृत्यु हुनेमा जितपुरसिमरा उपमहानगरपालिका वडा नम्बर ७ बस्ने वर्ष ६० को कन्हैया बहादुर क्षेत्री रहेको प्रहरीले जनाएको छ ।
जितपुरसिमरा उपमहानगरपालिका वडा नम्बर ३ स्थित सिपर्दी ट्रेडिङ नजिकै बिरगंज पथलैया सडक खण्डमा जितपुर तर्फ बाट सिमरा तर्फ आउंदै गरेको ना.५ ख.७५०७ नम्बर को ट्रकले सोहि दिशा तर्फ बाट आउंदै गरेको प्रदेश २-०३-०१४ प.१३६२ नम्बर को स्कुटी लाइ ठक्कर दिंदा स्कुटी चालक क्षेत्री घाइते भएका थिए ।
घाइते पश्चात् उनको अल्पाइन अस्पताल सिमरामा सामान्य उपचार पछी थप उपचारको लागि बिरगंज लगिएको थियो । उनको आज बेलुका नेशनल मेडिकल कलेज बिरगंजमा मृत्यु भएको जिल्ला प्रहरी कार्यालय बारा का प्रब्क्ता प्रहरी नायब उपरीक्षक राजेश थापाले जानकारी दिएका छन् । प्रहरी ले ट्रक र ट्रकका चालक लाई नियन्त्रणमा लिएको छ ।
