कलैया । बाराको कलैया उपमहानगरपालिका वडा नम्बर ९ स्थित फुल महमद मिँया धुनियाको आँप बगैचामा जेठ २७ गते दिउँसो ३ बजे सोही वडा का स्थानीय ७२ वर्षीय अहमद मिँया चुडिहारको हत्या आरोपमा प्रहरी ले एक जना लाई पक्राउ गरेको छ ।
पक्राउ पर्नेमा स्थानीय ३१ वर्षीय बजरंगी साह तुरहा रहेको जिल्ला प्रहरी कार्यालय बाराका प्रब्क्ता प्रहरी नायब उपरीक्षक राजेश थापाले जानकारी दिएका छन् ।
प्रहरी को प्रारम्भिक अनुसन्धानका क्रममा जेठ २६ गते राति को समयमा बजरंगी साह तुरहाले कर्तव्य गरी मारेको तथ्य खुलेको र मृतकसँग भएको मोवाईल तथा केही नगद रूपैया समेत खोसी वारदात पश्चात फरार भएका बजरंगी लाई पक्राउ गरेको हो ।
मृतक फुलमहम्मद धुनियाको मोबाइल सेट सहित पक्राउ परेका उनीविरुद्ध बारा जिल्ला अदालतमा ज्यान सम्बन्धी कसूर (कर्तव्य ज्यान) मुद्दा दर्ता गरिएको प्रहरी नायब उपरीक्षक थापाले जानकारी दिएका छन् ।
साथै प्रहरी ले अनुसन्धान गर्दा पक्राउ परेका बजरंगी पैसा माग्दा नदिएपछि पीकले हानेर फुल महमदको हत्या गरेको तथ्य खुल्न आएको छ । बजरंगी लाई पक्राउ गरि जिल्ला अदालत बारा बाट ५ दिनको म्याद अनुमति लिई घटनाबारे थप अनुसन्धान अगाडि बढाइएको थापाले जानकारी दिएका छन् ।
