साजिर मन्सूर
कलैया,पुष ११
प्रसौनी गाउपालिकाले निशुल्क लोक सेवा तयारी कक्षा शुरु गरेको छ । गाउपालिका अध्यक्ष बिनोद जयस्वालले दिप प्रज्वलन गरि उदघाटन तयारी कक्षाको सुभारम्भ गरेका छन । अध्यक्ष जयस्वालले आजको प्रतिस्पर्धात्मक युगमा सरकारि जागिर र निजामती कर्मचारी बन्ने रहर बोकेका गाउपालिकाका युवाहरुको आवस्यकता लाई मध्यनजर गरि कार्यक्रम लागू गरेको बताएका छन । अध्यक्षले यसरी यो कार्यक्रमले शैक्षिक स्तर उकास्नको साथै युवाहरुलाई रोजगारी सृजना हुने बताएका छन । गाउपालिका उपाध्यक्ष किरण देबि साहले यो कार्यक्रम बाट पालिकाका सबै महिला जो सरकारी काममा जान चाहन्छन उनिहरुको लागि बर्दान हुने बताईन । साहले लोकसेवा तयारीका लागि बाहिर जानू नपर्ने र यसले समय र पैसाको समेत बचत हुने बताईन ।
गाउपालिकाका प्रमुख प्रशासकिय अधिकृत उदय शंकर चौधरीले यो कार्यक्रमलाई आवस्यकता अनुरुप थप्दै जाने पालिकाको योजना रहेको बताएका छन ।
उक्त अवसरमा गाउपालिकाको लेखा प्रमुख प्रेमबाबु प्रसाद,समाजिक बिकास शाखा प्रमुख सुरेश साह,शिक्षा शाखा प्रमुख संतोष रौनियार,समाजसेवी प्रदिप साह लगायतकाको उपस्थिति रहेको थियो । तयारी कक्षामा सन्जिव सिंह र ब्रजेश पटेलले प्रशिक्षण दिने गाउपालिकाले जनाएको छ । कार्यक्रमको सन्चालन समाजिक शाखा प्रमुख सुरेश साहले गरेका थिए भने स्वागत प्रमुख प्रशासकिय अधिकृत उदय शंकर चौधरीले गरेका थिए ।