नूर आलम बादशाह (फाल्गुन २९ गते सिम्रौनगढ़ ) – सनातन धर्म रक्षामंच सिम्रौनगढ़को आयोजनामा अन्तराष्ट्रीय स्तरको दुई दिने धार्मिक प्रवचन कार्यक्रम शुभारम्भ गरिएको छ। सिम्रौनगढ़ रानिवास खजानी क्रिकेट मैदानमा फाल्गुन २९ र ३० गते सो प्रवचन कार्यक्रम हुने आयोजक संस्थाले जानकारी दिएको छ ।
सनातन धर्म रक्षामंच प्रमुख ॐ प्रकाश ठाकुरको सभापतित्वमा औपचारिक समुद्घाटन गर्दै कार्यक्रमको शुरूवात दिनको २ बजेबाट प्रारम्भ गरिएको थियो। कार्यक्रमका प्रमुख अतिथी सिम्रौनगढ़ नगरपालिकाका नगर प्रमुख किशोरी साह कलवारले कार्यक्रमलाई सम्बोधन गर्दै आफ्नो मौलिक धर्म संस्कार संस्कृतिको संरक्षण सम्बर्द्धन गर्दै आध्यात्मिक ज्ञानबाट जिवनलाई शान्तिपुर्ण ढंगले ब्यतित गर्न असंगदेव जीको प्रवचन कार्यक्रम शुभारम्भ गर्नुभएकोमा आयोजक प्रति धन्यबाद ब्यक्त गरेका थिए। आगामी दिनहरुमा पनि यस्ता किसिमका आयोजना हुने मौलिक धार्मिक सांस्कृतिक कार्यहरुमा आफुले सकेको हरेक सहयोगको लागि आफू सदैव साथमा रहने वताए।
उक्त प्रवच कार्यक्रमको प्रमुख भारतीय संत श्री असंग देव जी महाराज रहेका छन। आजबाट शुभारम्भ भएको प्रवचन कार्यक्रम भोली फाल्गुन ३० गते समापन गरिने आयोजक संस्थाले जानकारी दिएको छ।
कार्यक्रममा निर्वाचित सिम्रौनगढ़का वडा अध्यक्षहरु, बिभिन्न पार्टीका प्रतिनिधि, साधु संत, शिक्षक बिधार्थी, बिभिन संघसंस्थाका प्रतिनिधि, पत्रकार, स्थानीय भरभलादमी, नागरिक समाज लगायत हजारौको संख्यामा भक्तजनहरुको उपस्थिति रहेको थियो।
