साजिर मन्सूर
कलैया,भदौ १०
बारा निजगढ नगरपालिकाका निर्वाचित महिला जनप्रतिनिधीलाई जिम्मेवार बनाउन तिन दिने शि लिडस मध्यवर्ती प्रशिक्षण पहिलो मोडुल सम्पन्न भएको छ ।

निजगढ नगरपालिकाका २८ जना निर्वाचित महिला जनप्रतिनिधीहरुको सक्रिय सहभागिता रहेको मध्यवर्ती प्रशिक्षण पहिलो मोडुल २०८० भदौ ७ गते देखी ९ गते सम्म होटेल राजमार्ग निजगढमा आयोजना गरिएको थियो ।आस्ट्रेलियंन एड तथा स्विस सरकार विकास सहयोगको आर्थिक सहयोग र आई एफ ई एस नेपालको प्राविधिक सहयोगमा र माण्डबीको सहजीकरणमा संचालन गरिएको थियो । तालिमको उदेश्य सँगै निर्वाचित महिला जन प्रतिनिधीहरुलाई स्थानिय सरकारमा प्रभावकारी ढंगले आफनो भुमिका निर्वाह गर्न र राजनैतिक संवादमा सहभागी हुनका लागि महिला वडा सदस्यहरुको आत्म विश्वास बढाउन चाहिने सिप, ज्ञान लगायतको विषयमा प्रशिक्षण दिन थालिएको आयोजक संस्थाका कार्यक्रम अधिकृत राजु कुमार साहले सहभागीहरुलाई जानकारी गराएका थिए ।
मध्यवर्ती प्रशिक्षण कार्यक्रममा सहभागी भएका महिला जनप्रतिनिधिहरुले शि लिडस कार्यक्रमको रुपरेखा, चौथो मोडुल तालिमको पुनरावलोकन, नैतिकवान नेतृत्वमा हुनु पर्ने गुणहरु, महिला जनप्रतिनिधिहरुलाई आईपर्ने समस्यहरुको विशलेषण तथा त्यसका सामाधान गर्ने र आउन सक्ने समभावित परिणामहरुको बारेमा छलफल , वडा अन्तर्गत रहेका विभिन्न किसिमका तथ्याँक सँकल्न आवधिक तथा व्यवस्थापन गर्नु पर्ने आवश्यकता तथा त्यसको महत्व फाईदाहरु बारे छलफल र महिला जनप्रतिनिधिहरु प्रति हुने सामाजिक,साँस्कृतिक दुस्प्रचार तथा द्धेषपूर्ण अभिव्यक्तिहरु तथा त्यसलाई कसरी सामना गर्न सकिन्छ लगायतका विषयमा प्रशिक्षक रामाज्ञा साह र निभा सिंहबाट प्रशिक्षण दिइएको थियो ।
तालिमको तेश्रो दिन निजगढ नगरपालिकाका नगर उप प्रमुख सोम माया थिङ्गले यस शि लिडस परियोजनाले निर्वाचित महिला प्रतिनिधीहरुलाई क्षमता बिकास गर्दै आईरहेकोले यो कार्यक्रम एकदमै सराहनिय रहेको छ साथै महिला माथी हुने बिभिन्न प्रकारका हिंसाहरुलाई नियन्त्र गर्नको निर्वाचित महिला सदस्यहरुको लागि यो तालिम एकदमै प्रभावकारी सावित हुनेछ भन्ने मन्तब्य राखी सहभागीहरुलाई प्रमाण पत्र वितरण गरी तिन दिने तालिमलाई समापन गरेका थिए ।