कलैया ।प्रदेश नं २ सरकारले सवारीसाधनमा लाग्ने शुल्क र दस्तुरमा असार मसान्तसम्म जरिवाना नलिने भएको छ ।
भौतिक पूर्वाधार विकासमन्त्री रामसरोज यादव का अनुसार कोरोना सङ्क्रमणको वृद्धिले लागू गरिएको निषेधाज्ञाका कारण सवारी साधनको शुल्क र दस्तुर बुझाउन नसकिएका अवस्थालाई दृष्टिगत गरी मन्त्रिपरिषद्द्ले निर्णय गरेको हो ।
निषेधाज्ञाले गर्दा सवारीसाधन सञ्चालनमा नआएको र यातायात कार्यालय पनि बन्द रहेकाले प्रदेश सरकारले सो निर्णय गरेको मन्त्री यादव ले जानकारी दिएका छन् ।
