साजिर मन्सूर
कलैया,माघ ४
करैयामाई गाउपालिका ८ ईटहर भेलाहिमा पर्ने तियर नदिमा बनेको पुलको उदघाटन गरिएको छ । प्रमुख अतिथी पुर्व उप प्रधानमन्त्री एवम जसपा नेपालको रास्ट्रीय अध्यक्ष प्रतिनिधि सभा सदस्य उपेन्द्र यादवले तियर नदिमा बनेको नव निर्मित पक्की पुलको उदघाटन गरेका छन ।
नगार्जुन/बिनोद साह जेभी कलैयाले २०७८/२/१६ मा सम्झौता गरि निर्माण कार्य शुरु गरि २०८०/२/१५ मा सम्पन्न गर्ने गरि सम्झौता गरेको थियो । ५ करोड ४० लाख ४५ हजार १७५ रुपैया १७ पैसामा सम्पन्न गर्ने गरि ठेक्का सकार गरेको निर्माण ब्यवसायी शेशनाथ साहले जानकारी गराए । पुल बने सङ्गै स्थानियहरु हर्षित भएका छन ।
गाउपालिका अध्यक्ष शम्भु प्रसाद यादवको अध्यक्षतामा भएको उदघाटन समारोहमा बिशिस्ट अतिथि मधेशका मुख्य मन्त्री सरोज यादव,जसपा मधेस प्रदेशका अध्यक्ष रामबाबु यादव,प्रदेश सभा सदस्य द्वय बच्चा यादव,शरदा शंकर कलवार,करैयामाई गाउपालिका उपाध्यक्ष सुनैना कुमारी चौधरी,सम्बिधान सभा सदस्य प्रमोद गुप्ता, प्रमुख प्रशासकीय अधिकृत अनुश आचार्य,जसपाका नेताहरू रामकिशोर यादव,पारस साह,जसपा बारा अध्यक्ष रामबाबू यादव,लोसपा महामन्त्री जसर यादव,जसपा सचिव मुर्तुजा अन्सारी,जिल्ला कोषाध्यक्ष बिनोद यादव,सम्पुर्ण वडाका अध्यक्ष जनप्रतिनिधि सहित नेता कार्यकर्ता स्थानिय जनताको उपस्थिति रहेको थियो ।
