चेन्नईलाई प्लेअफमा पुग्न आजको खेल जित्नैपर्ने दबाब छ । उसको १२ खेलमा १२ अङ्क छ । चेन्नई तालिकाको चौथो स्थानमा छ । राजस्थान ११ खेलमा १६ अङ्कका साथ दोस्रो स्थानमा छ ।

आजको दोस्रो खेलमा बेंगलुरु र दिल्ली नेपाली समयअनुसार राति पौने ८ बजे बेंगलुरुमा खेल्नेछन् । यी दुई टोलीलाई प्लेअफमा पुग्न आजको खेल जित्नुपर्ने अवस्था छ । बेंगलुरु १२ खेलमा १० अङ्कका साथ तालिकाको सातौ र दिल्ली समान १२ खेलमा १२ अङ्कका साथ पाँचौ स्थानमा छ ।

गएराति भएको खेलमा मुम्बईलाई हराउँदै कोलकाता प्लेअफमा पुगेको छ । यो सिजनको आईपीएलमा प्लेअफमा पुग्ने कोलकता पहिलो टोली बनेको छ ।