कलैया – जिल्ला प्रहरी कार्यालय बाराले प्रतिबन्धित लागुऔषध गाँजासहित एक जनालाई पक्राउ गरेको छ । पक्राउ पर्नेमा मकवानपुरको हेटौंडा उपमहानगरपालिका वडा नम्बर १९ बस्ने ३१ बर्षीय दिपक बैजु रहेको बाराका प्रहरी नायव उपरीक्षक दधिराम न्यौपानेले जानकारी दिनुभयो ।
ईलाका प्रहरी कार्यालय अमलेखगन्जबाट खटिएको प्रहरीको टोलीले जीतपुर सिमरा उपमहानगरपालिका वडा नम्बर २१ अमलेखगन्जस्थित बनेपाबाट पर्साको ठोरीतर्फ जादै गरेको ना.७ ख ७१३२ नम्बरको यात्रु बसलाई रोकी चेकजाँच गर्दा बसमा सवार बैजुको झोलाबाट प्रतिबन्धित गाँजा ५ किलो ४ सय ग्राम फेला परेपछि पक्राउ गरी कारवाही प्रक्रिया अगाडी बढाएको न्यौपानेले बताउनुभयो ।
