वीरगंज – जिल्ला प्रहरी कार्यालय बाराले बिभिन्न मुद्दाका फरार १० जना प्रतिवादीहरुलाई पक्राउ गरेको छ । प्रहरीले चोरी मुद्दामा कलैया उपमहानगरपालिका वडा नम्बर १८ बस्ने लालबाबु महत्तो धानुक , फेटा गाउँपालिका वडा ४ बस्ने मुकेश मुखिया , निजगढ नगरपालिका वडा नम्बर ९ बस्ने अमृत लामालाई पक्राउ गरिएको जिल्ला प्रहरी कार्यालय बाराका प्रहरी नायव उपरीक्षक प्रकाश सापकोटाले बताउनुभयो ।
यसैगरी चेक अनादर मुद्दामा सिम्रौनगढ नगरपालिका वडा नम्बर ११ सन्तोष साह तेली , वडा नम्बर १० वकिल प्रसाद यादव , करैयामाई गाउँपालिका वडा नम्बर ८ बस्ने नागेन्द्र पण्डित , महागढीमाई नगरपालिका २ बस्ने शोषनाथ प्रसाद साह तेलीलाई नियन्त्रणमा लिईएको हो ।
बन मुद्दाका फरार निजगढ नगरपलिका वडा नम्बर ४ बस्ने रामायण चौधरी , हातहतियार तथा खरखजाना मुद्दामा फरार वडा नम्बर १ बस्ने . जनक बहादुर स्याङतान र प्रेम बहादुर स्याङतानलाई पक्राउ गरेको हो ।
