कलैया । प्रदेश नं. २ मुख्यमन्त्रीको कार्यालय बाट बेटी पढाउ बेटी बचाउ कार्यक्रम अन्तर्गत कलैया उपमहानगरपालिका वडा नम्बर २६ शिस्वा महेशपुरस्थित श्री नेपाल राष्ट्रिय माद्यामिक विद्यालयमा साइकल वितरण गरिएको छ । उक्त विद्यालयका १९ जना छात्रालाई सोमबार एक कार्यक्रमकाबीच विद्यालय प्राङ्गणमा साइकल वितरण गरिएको हो ।
कार्यक्रमको प्रमुख अतिथि बारा क्षेत्र नं ३ का प्रतिनिधि सभा सदस्य माननीय रामबाबु कुमार यादवको रहेकोे थियो । कार्यक्र मा जनता समाजवादी पार्टीका नेता धर्मेन्द्र यादव, स्थानीय नेता सुबास यादव, विद्यालयका प्रधानाध्यापक राधाकृष्ण यादव लगायत विद्यालयमा कार्यरत शिक्षक, शिक्षिका र विद्यार्थीहरुको उपस्थिति रहेको थियो ।
