कलैया । बारामा सोमवार दुई छुटाछुट्टै मोटरसाइकल दुर्घटना भएको छ । तमागढी सडक खण्डको कोल्वही नगरपालिका वडा नं. २ गणेश मन्दिर छेउ साझँ साढे ६ बजे कोल्वही तर्फ आउदै गरेको ना.३.च २६७७ नम्बरको पिकअपले पिपरियाबाट हुनुमानगंज जादै गरेको ग.७.प ८१९२ नम्बरको मोटरसाइकल लाई ठक्कर दिएको हो ।
मोटरसाइकल लाई ठक्कर दिदाँ पछाडि बस्ने सोह्र वर्षिय श्याम गौतमको दाहिने खुट्टामा चेट लागेको छ । घाइतेको स्थानीय पारश अस्पतालमा उपचार भइरहेको अस्थाई प्रहरी झुरझुरले जनाएको छ । ठक्कर दिने गाडी र चालकलाई प्रहरीले नियन्त्रणमा लिएको छ ।
त्यसैगरी सोमवार साझँ ६ बजे निजगढ नगरपालिका ७ स्थित पुर्व पश्चिम राजमार्गको भमरा पुलको सडकमा पश्चिमबाट पुर्व तर्फ जादै गरेको प्र.२–०३–०१० प ४७४१ न.को मोटरसाइकलले विपरित दिशाबाट आउदै गरेको साईकल यात्रीलाई ठक्कर दिएको छ ।
साईकल यात्री निजगढ नगरपलिका वडा नं. ७ बस्ने मान बहादुर घिसिङलाई मोटरसाईकल ले ठक्कर दिदा ७० वर्षिय घिसिङको टाउको र हाथमा चोट लागेको र मध्यम उपचार निजगढ सिटि होस्टिपलमा गरेपछि थप उपचारको लागि भरतपुर तर्फ लगेको ईलाका प्रहरी कार्यालय निजगढले जानकारी दिएको छ ।
मोटरसाईकल चालकसंग लाईसेन्स र बिलबुक साथमा नरहेको र प्रहरीको नियन्त्रणमा मोटरसाइकल र साइकल रहेको र अन्य विवरण आउन बाकिँ रहेको प्रहरीले जनाएको छ ।
